تحریک انصاف کا بائیکاٹ یوسف رضا گیلانی اور سردار ناصر بلا مقابلہ چیئرمین و ڈپٹی چئیرمین سینیٹ منتخب

اسلام آباد: حکومتی اتحاد کی طرف سے پیپلز پارٹی کے رہنما اور سابق وزیراعظم یوسف رضا گیلانی بلا مقابلہ چیئرمین سینیٹ منتخب ہوگئے جب کہ مسلم لیگ (ن) کے سردار سیدال خان ناصر بلا مقابلہ ڈپٹی چیئرمین سینیٹ منتخب ہوگئے ہیں۔ ان کا انتخاب منگل کو سینٹ کے اجلاس میں ہوا جس میں وزیر خارجہ اسحاق ڈار نے پریزائیڈنگ افسر کی ذمہ داریاں انجام دیں۔قبل ازیں اجلاس کے آغاز میں نومنتخب سینٹرز نے حلف لیا ۔
سینیٹ اجلاس کا آغاز ہوتے ہی تحریک انصاف کی جانب سے احتجاج کیا گیا پی ٹی آئی کے علی ظفر نے اظہار خیال کرتے ہوئے کہا کہ جب تک کے پی کے سینیٹر نہیں آجاتے اس اجلاس کو ملتوی کیا جائے۔
بعد ازاں وزیر خارجہ اسحاق ڈار نے بطور پریزائیڈنگ افسر نو منتخب سینیٹرز سے حلف لیا جس کے بعد ارکان نے رول آف ممبرز پر دستخط کیے۔
اسحاق ڈار نے اعلان کیا کہ چیئرمین و ڈپٹی چیئرمین سینیٹ کا الیکشن دوپہر ساڑھے 12 بجے ہوگا، چیئرمین و ڈپٹی چیئرمین سینیٹ کے کاغذات کی اسکروٹنی سوا 11 بجے ہوگی لہذا کاغذات گیارہ بجے سے قبل سیکرٹری سینیٹ آفس میں جمع کرائیں۔
چیئرمین سینیٹ کیلئے امیدواریوسف رضاگیلانی نے غذات نامزدگی جمع کرائے اور ڈپٹی چیئرمین سینیٹ کیلئے حکومتی اتحادکے امیدوارسیدال خان ناصرنے کاغذات نامزدگی جمع کرائے جب کہ دونوں امیدواروں کے مقابلے میں کسی نے کاغذات جمع نہیں کرائے۔
تحریک انصاف نے اپنا یہ مطالبہ دہراتے ہوئے کہ خیبر پختونخوا کے سینیٹرز کی ایوان میں موجودگی تک چیئرمین و ڈپٹی چیئرمین کا انتخاب ملتوی کیا جائے۔چئیرمین سینٹ کے انتخابات کا بائیکاٹ کر دیا۔جس پر چئیرمین اور ڈپٹی چئیرمین کا انتخاب بلامقابلہ ہو گیا اور ان کے مقابلے میں کسی نے کاغذات نامزدگی جمع نہیں کرائے
آزاد حیثیت میں سیینٹر منتخب ہونے والے فیصل وواڈا اور جے یو آئی کے مولانا عبدالواسع نے سینیٹ کی رکنیت کا حلف نہیں اٹھایا۔