صدر اور وزیراعظم ہائوس سمیت تمام بڑے ہائوسز میں کھانوں پرپابندی لگائی جائے،اجمل بلوچ

اسلام آباد:آل پاکستان انجمن تاجران کی جانب سے بجٹ تجاویز میں کہا گیا ہے کہ صدر، وزیراعظم ہائوس سمیت تمام بڑے ہائوسز میں پرتکلف کھانوں پر پابندی لگائی جائے.صدر آل پاکستان انجمن تاجران اجمل بلوچ کا کہنا تھا کہ سینیٹ اور قومی اسمبلی سمیت تمام صوبائی اسمبلیوں میں بھی کھانوں پر پابندی عائد کی جائے، حکومت اس بجٹ میں اپنے ہر طرح کے اخراجات ختم کرے۔صدر آل پاکستان انجمن تاجران کا کہنا تھا کہ اس بجٹ میں تمام قسم کی مراعات واپس لی جائیں، حکومت اس بجٹ میں تمام سرکاری دفاتر پر سولر سسٹم لگائے۔
اجمل بلوچ نے کہا کہ بجلی بنانے والی کمپنیوں کے ایگریمنٹ ری شیڈول کیے جائیں، بجٹ میں مفت پٹرول، بجلی اور گیس کا چیپٹر بند کیا جائے۔ سرکاری افسران سے ایک چھوٹی گاڑی کے علاوہ تمام گاڑیاں واپس لی جائیں۔انھوں نے کہا کہ وہ ملک کیسے چل سکتا ہے جس کے اخراجات کی بھرمار ہو اور آمدن ہوہی نہیں، تاجر کو چور نہ کہا جائے وہ ڈائریکٹ بھی اور ان ڈایریکٹ بھی ٹیکس ادا کررہا ہے۔
۔۔۔۔۔۔