وزیرداخلہ محسن نقوی کی پیپلز ری پبلک آف چائنا کے ہم منصب کیوآئی یانجن سے اہم ملاقات

پاک چین تعلقات۔ سکیورٹی امور۔ قانون نافذ کرنے والے اداروں۔ چین کے تعاون ۔ ٹریننگ اور جدید آلات و ٹیکنالوجی پر تبادلہ خیال
چین پاکستانی قانون نافذ کرنے والے اداروں کی ٹریننگ و استعدادکار بڑھانے کے لئے بھرپور تعاون کرے گا،کیوائی یانجن

اسلام آباد/ نیویارک: وزیرداخلہ محسن نقوی نے نیویارک میں چینی ہم منصبکیوآئی یانجن سے اہم ملاقات کی دونوں رہنمائوں نے اس موقع پر پاک چین تعلقات۔ سکیورٹی امور۔ قانون نافذ کرنے والے اداروں۔ چین کے تعاون ۔ ٹریننگ اور جدید آلات و ٹیکنالوجی پر تبادلہ خیال۔ وزیر داخلہ نے انہیں داسو واقعہ پر پیش رفت سے آگاہ کیا۔ چینی ہم منصب کا کیس پر ہونے والی پیش رفت پر اطمینان کا اظہار۔ پاکستانی اداروں نے محنت اور پروفیشنل انداز میں کیس کو ٹریس کیا۔
ملاقات نیویارک میں اقوام متحدہ کے پیپلز ری پبلک آف چائنا کے مشن آفس میں ہوئی۔ دونوں رہنماں کے مابین پاک چین تعلقات اور سکیورٹی امور پر تفصیلی تبادلہ خیال کیا گیا۔ دونوں رہنماں کے مابین قانون نافذ کرنے والے اداروں اور چین کے تعاون کے حوالے سے بات چیت ہوئی جبکہ ٹریننگ اور جدید آلات و ٹیکنالوجی کے استعمال کے بارے بھی گفتگو ہوئی۔
چین پاکستانی قانون نافذ کرنے والے اداروں کی ٹریننگ و استعدادکار بڑھانے کے لئے بھرپور تعاون کرے گا۔ پیپلز ری پبلک آف چائنا کے ہم منصب کیوائی یانجن نیاسلام آباد میں غیر ملکیوں خصوصاچینی شہریوں کی حفاظت کے لئے ایس پی یو کے قیام کے اقدام کو سراہا۔ کیوآئی یانجن نے وفاقی وزیر داخلہ کو ایس پی یو کی ٹریننگ اور دیگر امور میں بھرپور تعاون کی یقین دہانی کرائی۔ پاک چین تعلقات کے بارے میں انہوں نے کہا کہ پاکستان چین ہر موسم کے دوست ہیں اوردونوں ممالک کی دوستی فولاد سے زیادہ مضبوط ہے۔
وفاقی وزیرداخلہ محسن نقوی نے پیپلز ری پبلک آف چائنا کے ہم منصب کو داسو میں پیش آنے والے افسوسناک واقعہ پر ہونے والی پیش رفت سے آگاہ کیا۔ کیوآئی یانجن نے کیس پر ہونے والی پیش رفت پر اطمینان کا اظہار کرتے ہوئے کہا کہ پاکستانی اداروں نے محنت اور پروفیشنل انداز میں اس کیس کو ٹریس کیا۔ پیپلز ری پبلک آف چائنا کے ہم منصب نے وزیر داخلہ محسن نقوی کو ستمبر میں چائنا میں ہونے والے گلوبل سکیورٹی فورم میں شرکت کی دعوت دی، محسن نقوی نے گلوبل سکیورٹی فورم میں شرکت کی دعوت قبول کی اور کیوآئی یانجن کا شکریہ ادا کیا۔ وفاقی وزیرداخلہ محسن نقوی نے پیپلز ری پبلک آف چائنا کے ہم منصب کو پاکستان کے دورے کی دعوت دی۔ پیپلز ری پبلک آف چائنا کی وزارت داخلہ کا ایڈوائزی گروپ بھی جلد پاکستان کا دورہ کرے گا۔ وفاقی وزیر داخلہ محسن نقوی نے کہا کہ چین سے دوستی پر ہم سب کو فخر ہے۔ پاک چین دوستی اقوام عالم کے لیے ایک مثال ہے۔ چینی شہریوں کی سکیورٹی کے فول پروف انتظامات کئے ہیں۔ واضح رہے کہ وفاقی وزیرداخلہ محسن نقوی اور پیپلز ری پبلک آف چائنا کے ہم منصب کیوآئی یانجن چوتھی یو این کوپ کانفرنس میں شرکت کے لئے نیویارک آئے ہوئے ہیں۔