اسلام آباد:انگلینڈ، ہالینڈ، فرانس اور اسپین یورو کپ فٹ بال کے سیمی فائنل میں پہنچ گئے ہیں۔ یورو کپ فٹ بال کے کوارٹر فائنل میں اسپین نے جرمنی کو شکست دے کر ایونٹ کے سیمی فائنل میں جگہ بنالی۔اششٹٹ گارڈ میں کھیلے گئے کوارٹر فائنل کے پہلے ہاف میں کوئی ٹیم گول نہ بناسکی، میچ کے 51 ویں منٹ میں ڈینی المو نے گول کرکے اسپین کو برتری دلائی۔جرمن ٹیم نے مخالف گول پر کئی حملے کئے، مقررہ وقت سے ایک منٹ قبل فلورین ورٹز نے جرمنی کی جانب سے گول کرکے مقابلہ برابر کردیا۔مقررہ وقت تک مقابلہ ایک ایک سے برابر رہا، میچ کو فیصلہ کن بنانے کے لیے 15،15 منٹ کے دو ہاف دیے گئے۔سپین نے مقررہ وقت سے ایک منٹ قبل مائیکل مرنو کے گول کی بدولت برتری حاصل کی جسے جرمنی برابر نہ کرسکی۔ یوں سپین نے مقابلہ دو ایک سے جیت کر ایونٹ کے سیمی فائنل میں جگہ بنالی۔
ایک اور میچ میں انگلینڈ نے سوئٹزرلینڈ کو شکست دیکر سیمی فائنل کیلئے کوالیفائی کرلیا۔ان دونوں ٹیموں کے درمیان بھیمقررہ وقت اور ایکسٹرا ٹائم تک میچ ایک ایک سے برابر تھا، تاہم انگلینڈ نے پنلٹی شوٹ آئوٹ پر کامیابی حاصل کی۔
ڈسلڈرف میں کھیلے گئے کوارٹر فائنل میں انگلینڈ اور سوئٹزرلینڈ کی ٹیمیں پہلے ہاف میں کوئی گول نہ کرسکیں ۔میچ کے 75ویں منٹ میں سوئٹزرلینڈ کی جانب سے بریل ایمبولو نے گول اسکور کیا لیکن صرف پانچ منٹ بعد انگلینڈ کے بکایو ساکا نے میچ برابر کردیا۔مقررہ وقت میں میچ ایک ایک سے برابر رہا، ایکسٹرا ٹائم میں بھی کوئی گول نہیں ہوا۔
تاہم میچ کا فیصلہ پنلٹی شوٹ آٹ پر ہوا جس میں انگلینڈ نے 3 کے مقابلے میں 5 گول سے فتح حاصل کرکے ایونٹ کے سیمی فائنل میں جگہ بنالی۔
اس سے قبل فرانس،ہالینڈ اور اسپین بھی سیمی فائنل میں پہنچ چکے ہیں ہے
