موسمیاتی تبدیلی کے اثرات سے نمٹنے کے لیے کسان ٹی وی چینل شروع کیا جائے گا: رومینہ خورشید عالم

چینل سے چھ علاقائی زبانوں بشمول پنجابی، پشتو، سندھی، بلوچی اور ہندکو میں پروگرام نشر کیے جائیں گے

اسلام آباد:وزیر اعظم کی کوآرڈینیٹر برائے موسمیاتی تبدیلی، رومینہ خورشید عالم نے موسمیاتی تبدیلی کے زرعی اثرات کو کم کرنے کے لیے کسانوں کے لئیے ٹی وی چینل شروع کرنے کا کا اعلان کیا ہے۔
انھوں نے کہا کہ چینل کا مقصد کسانوں کو موسمیاتی موافقت اور ڈیزاسٹر مینجمنٹ کے بارے میں آگاہ کرنا ہے اور ماحولیاتی انحطاط سے نمٹنے کے لیے احتیاتی تدابیر اور پائیدار طریقوں کو فروغ دینا ہے۔
کوآرڈینیٹر نے کہا کہ اس سلسلے میں پاکستان ٹیلی ویژن کے ساتھ ایک مشترکہ منصوبہ شروع کیئے جانے کا ارادہ ہے جس کے تحت چھ علاقائی زبانوں بشمول پنجابی، پشتو، سندھی، بلوچی اور ہندکو میں پروگرام نشر کیے جائیں گے تاکہ زیادہ سے زیادہ متوقہ متاثرین کو بر وقت قدرتی آفات کے بارے میں باخبر کیا جاسکے۔ رومینہ خورشید نے کہا کہ اطلات کی زیادہ سے زیادہ کوریج کو یقینی بنانے کے لئیے صوبائی سطح پر مقامی پی ٹی وی اسٹیشنز کے ذریعے پروگرامز نشر کیے جائیں گے۔
کوآرڈینیٹر نے کہا کہ انہوں نے ایک نجی چینل کی انتظامیہ سے بھی بات کی ہے کہ وہ میڈیا کی رہنمائی کریں اور حکومت کے موسمیاتی تبدیلیوں کے حوالے سے کئے گئیے اقدامات و پیغامات کو کسانوں تک پہنچانے میں ھماری آواز بنیں۔انہوں نے موسمیاتی تبدیلی کی کوریج اور موسمیاتی صحافت کے دائرہ کار کو بڑھا نے کے لئیے میڈیا ہائوسز کی پیشہ وارانہ ترجیہات کو از سرے نو ترتیب دینے کی ضرورت پر بھی زور دیا۔انہوں نے کہا کہ کسانوں کو تحفظ ماحولیات سے متعلق چیلنجوں سے ہم آہنگ ہونے کے حوالے سے معلومات اور رہنمائی فراہم کی جائے گی۔ موسم کے انتباہات پہلے سے جاری کر دیے جائیں گے تاکہ کسانوں کو موسم سے متعلق منفی اثرات کے خلاف پیشگی اقدامات کرنے کے قابل بنایا جا سکے۔
رومینہ خورشید نے کہا کہ ٹی وی چینل ایسے اقدامات کو بھی پیش کرے گا جن کا مقصد پائیدار طریقوں کے ذریعے خواتین کی آمدنی بڑھانے کی صلاحیتوں کو مظبوط کرنا، زرعی معیشت کی بہتری کے لیئے بااختیار بنانا اور ماحولیاتی استحکام ہے۔انہوں نے کہا کہ حکومت کاشتکاروں کو ذرائع ابلاغ کی طاقت سے فائدہ اٹھاکر موسمیاتی تبدیلیوں کے خلاف صلاحیت پیدا کرنے کے لیے ضروری علم اور آلات سے بااختیار بنانا چاہتی ہے۔
انھوں نے امید ظاہر کی کہ ٹی وی چینل کا قیام پاکستان میں مزید موسمیاتی صلاحیت پیدا کرنے اور خوشحال زرعی شعبے کی جانب ایک اہم قدم ثابت ہوگا۔