کامسٹیک  انڈونیشیا ریسرچ فیلوشپ پروگرام کا تیسرا بیچ مکمل

کامسٹیک انڈونیشیا ریسرچ فیلوشپ پروگرام کا تیسرا بیچ مکمل


اسلام آباد: وائرولوجی اور ویکسین ٹیکنالوجیز کے لیے کامسٹیک انڈونیشیا ریسرچ فیلوشپ پروگرام کا تیسرا بیچ کامیابی سے مکمل ہو گیا ہے۔ کامسٹیک نے انڈونیشیا کی وزارت صحت، پی ٹی بائیو فارما، اور پجاجرن یونیورسٹی کے ویکسین اور بائیو ٹیکنالوجی پروڈکٹس کے سینٹر آف ایکسی لینس کے ساتھ مل کر نو او آئی سی رکن ممالک سے سائنسدانوں کو وائرولوجی اور ویکسین ٹیکنالوجی میں ایک ماہ کی تربیت کے لیے چنا تھا۔
ایک ماہ طویل تربیتی پروگرام کا تیسرا مرحلہ جکارتہ اور بنڈونگ، مغربی جاوا میں منعقد ہوا۔ پروگرام میں انڈونیشیا، کیمرون، قازقستان، ملائیشیا، مصر، پاکستان، صومالیہ، تنزانیہ اور یوگنڈا کے سکالرز شریک ہوئے۔ پروگرام کا مقصد او آئی سی کے رکن ممالک کے درمیان وائرولوجی اور ویکسین ٹیکنالوجی کے شعبے میں تحقیق اور ترقی کی صلاحیتوں کو بڑھانا تھا۔ اسی پروگرام کے پہلے دو مراحل انڈونیشیا میں 2022 اور 2023 میں کامیابی کے ساتھ تکمیل پا چکے ہیں۔
اس پروگرام کا مقصد ویکسین کی تیاری میں او آئی سی ممالک کے درمیان تعاون کو فروغ دینا اور عالمی صحت کے لئے اقدامات میں تعاون کرنا تھا۔ 2022 سے، اب تک اس پروگرام کے تحت 18 رکن ممالک کے 24 ریسرچ فیلوز کی مدد کی جا چکی ہے۔
اس پروگرام کی اختتامی تقریب جکارتہ میں ہوئی، جس میں کامسٹیک کے حکام، میزبان اداروں اور او آئی سی کے مختلف رکن ممالک کے ماہرین نے آن لائن اور ذاتی طور پر شرکت کی۔

About Rizwan Malik

Scroll To Top