وفاقی وزیرداخلہ محسن نقوی سے چین کے قونصل جنرل ژاو شیرین کی ملاقات

باہمی دلچسپی کے امور۔ پاک چین تعلقات کے فروغ اور سی پیک پراجیکٹس کے حوالے سے تبادلہ خیال
چین کے شہریوں اور چین کے تعاون سے جاری منصوبوں کی سکیورٹی پر بھی گفتگو

لاہو:وفاقی وزیرداخلہ محسن نقوی سے چین کے قونصل جنرل ژاو شیرین نے ملاقات کی ہے۔۔ ملاقات میں باہمی دلچسپی کے امور، پاک چین تعلقات کے فروغ اور سی پیک پراجیکٹس کے حوالے سے تبادلہ خیال کیا گیا۔ مزید براں چین کے شہریوں اور چین کے تعاون سے جاری منصوبوں کی سکیورٹی پر بھی گفتگو کی گئی۔
اس موقع پر وزیر داخلہ نے کہا کہ سی پیک سے پاکستان اور چین کے تعلقات کو نئی جہت ملی ہے اور چین کے ساتھ پائیدار دوستی پر ہر پاکستانی کو ناز ہے۔انہوں نے کہا کہ چین ہر آزمائش میں پاکستان کے ساتھ ڈٹ کر کھڑا رہا ہے، عالمی امور پر دونوں ملک یکساں موقف رکھتے ہیں۔ انہوں نے کہا کہ چینی شہریوں کے تحفظ کے لئے جو کچھ انسانی بس ہے وہ تمام اقدامات کئے ہیں اور فول پروف سیکیورٹی انتظامات پر عملدرآمد کے لئے چینی شہریوں کے تعاون کو سراہتے ہیں۔