کراچی باسکٹ بال ایسوسی ایشن کے لئے نئی سکرونٹی کمیٹی تشکیل

محمد اشفاق چیرمین مقرر، کمیٹی جلد رپورٹ سے فیڈریشن کو آگاہ کرے گی

اسلام آباد:پاکستان باسکٹ بال فیڈریشن نے کراچی باسکٹ بال ایسوسی ایشن کے معاملات کی جانچ پڑتال اور کلبوں کی سکرونٹی کیلے نئی سکرونٹی کمیٹی تشکیل دیدی۔ تفصیلات کے مطابق کراچی باسکٹ بال ایسوسی ایشن کے معاملات کی جانچ پڑتا ل کے لئے بنائی گئی اسکروٹنی کمیٹی کے چیئر مین محفوظ الحق نے ذاتی وجوہات پر کام کرنے سے معذرت کرلی تھی جس کے بعد پاکستان باسکٹ بال فیڈریشن نے اسکروٹنی کمیٹی کی از سرنو تشکیل کرتے ہوے محمد اشفاق کو چیرمین مقرر کیا ہے جبکہ اسلام خان نیازی اور وسیم الرحمان ممبران ہونگے۔پاکستان باسکٹ بال فیڈریشن امید کرتی ہے کہ نئی اسکروٹنی کمیٹی کراچی باسکٹ بال ایسوسی ایشن کے معاملات کا باریک بینی سے جائزہ لے کرجلد اپنی رپورٹ پیش کرے گی۔