زن نے کام دکھادیا ،سنگدل باپ نے بیٹے کی ٹانگ کاٹ دی

خاور عباس کو غصہ تھا کہ اس کا بیٹی سوتیلی ماں سے زیادہ حقیقی ماں کی جانب رغبت رکھتا ہے

جھنگ:جھنگ کے تھانہ قادر پور کے علاقہ رتہ میںسنگدل باپ نے کلہاڑی کے وار سے اپنے 12 سالہ بیٹے کی ٹانگ کاٹ دی ہے۔ بتایا جاتا ہے کہ خاور عباس نے سوتیلی ماں کی شکایت پر اپنے سگے بیٹے پر تشدد کرتے ہوئے کلہاڑی کے وار کرتے ہوئے اس کی ٹانگ کاٹ دی۔مبینہ طور پر خاور عباس نے اپنے بیٹے کی ٹانگ اس لئے کاٹی کہ وہ اپنی حقیقی ماں سے رغبت کرتا تھا،جس کا اس کی سوتیلی ماں کو رنج تھا۔
ڈی پی او کیپٹن(ر) بلال افتخار کیانی کا فوری نوٹس، ملزم کو بروقت گرفتار کرنے کی ہدایت جاری کر دی ۔اطلاع ملتے ہی پولیس کی بھاری نفری موقع پر پہنچ گئی۔
ابتدائی معلومات کے مطابق ملزم خاور عباس (قوم سید ،سکنہ رتہ) نے اپنے 12 سالہ بیٹے خرم شہزاد کو سوتیلی ماں کے بھڑکانے اور حقیقی ماں کیساتھ رغبت پر سزا دی۔ملزم واردات کے بعد فرار ہوگیا اور اس کے خلاف تھانہ قادرپور میں مقدمہ درج کر کے اس کی گرفتاری کے لئے چھاپے مارے جارہے ہیں۔ ڈی پی او کیپٹن (ر) بلال افتخار کیانی نے کہا ہے کہ ملزم کو جلد گرفتار کر کے کڑی سے کڑی سزا دلوائی جائے گی ۔
۔۔۔۔۔۔۔۔۔۔۔۔