حج سستا ہوگیا وزیر مذہبی امور کا بڑا اعلان

سال 2024 کے حجاج کرام کو بھی پونے پانچ ارب روپے سے زائد رقم واپس کی جا رہی ہے
وفاقی وزیر مذ ہبی امور چودھری سالک حسین کا سیکرٹری و دیگر کے ساتھ پریس کانفرنس میں بڑا اعلان
اسلام آباد(نیوزرپورٹر)پاکستان میں‌عازمین حج کے لئے بڑی خوشخبری آگئی ہے اور حج سستا کر دیا گیا ہے. جکہ اس کے ساتھ ہی سال 2024 کے حجاج کرام کوپونے پانچ ارب روپے سے زائد رقم واپس کی جا رہی ہے.
یہ بڑا اعلان وزیر مذہبی امور چوہدری سالک حسین نے ایک پریس کانفنرس میں کیا.انہوں نے بتایا کہ 40 دنوں پر محیط لانگ حج پیکیج کے اخراجات 25 ہزار کی کمی کے ساتھ 10 لاکھ 50 ہزار روپے مقرر کئے گئے ہیں. لانگ پیکیج میں تیسری قسط 4 لاکھ 50 ہزار روپے ادا کرنا ہونگے .
25 دنوں پر محیط شارٹ حج پیکیج 50 ہزار روپے کی مزید کمی کے ساتھ 11 لاکھ روپے مقرر ہوا ہے. شارٹ حج پیکیج کی تیسری قسط 5 لاکھ روپے ہو گی۔ تیسری قسط نامزد بینکوں میں 6 فروری تا 14 فروری جمع کروانا لازم ہے ۔ ہر عازم حج کو اس کی اطلاع موبائل ایپ ’پاک حج‘ پر مل جائے گی۔
سال 2024 کے حجاج کرام کوپونے پانچ ارب روپے سے زائد رقم واپس کی جا رہی ہے ۔ رقوم کی واپسی کی سات مختلف کیٹگریاں ہیں ۔ رقم میں فرق کی وجہ منیٰ زون، مکہ رہائش ، مکتب C ہے۔ نیز قربانی ریفنڈ اور فضائی کرایوں میں بچت کا فائدہ بھی حجاج کرام کو دیا جا رہا ہے۔ سال 2024 کے 14 فیصد(9588) حجاج کرام کو 20ہزار روپے بینک اکاونٹس میں منتقل کیے جا رہے ہیں
5 فیصد(3358) حجاج کرام کو 35 ہزار روپے ۔۔۔
19 فیصد (12981)حجاج کرام کو 50 ہزار روپے ۔۔۔۔
23 فیصد (16037)حجاج کرام کو 75 ہزار روپے ۔۔۔۔
26 فیصد(17828) حجاج کرام کو 90 ہزار روپے ۔۔۔۔
10 فیصد(6784) حجاج کرام کو 1 لاکھ 10 ہزار روپے ۔۔۔
3 فیصد(2228) حجاج کرام کو 1 لاکھ 40 ہزار روپے متعلقہ بینک برانچ کے ذریعے واپس ملیں گے۔ وزارت نامزد بینکوں میں اگلے دو روز میں رقم کی منتقلی شروع کر دے گی