دونوںاہلکاروںکی حالت تشویشناک قیمتی موبائل حادثے کا شکار ہونے والی گاڑی سے برآمد ہوئے
کوہستان:کوہستان میںعید کے موقع پر دو ہزار ضبط شدہ موبائل گھر لے جاتے کسٹم اہلکاروںکی گاڑی حادثے کا شکارہوگئی جس سے دونوںاہلکار شدید زخمی ہوگئے ہیں.حادثے کے بعد گاڑی سے دو ہزار ضبط شدہ موبائل برآمد ہوئے ہیں.
کسٹم سوست پورٹ سے عید منانے گھر جانے والے کسٹم اپریزر نظام اور یوڈی سی ابوبکر کی گاڑی بشام کے قریب حادثے کا شکار ہوگئی، جس کے نتیجے میں دونوں اہلکار شدید زخمی ہوگئے۔ ذرائع کے مطابق، دونوں زخمیوں کی حالت تشویشناک بتائی جا رہی ہے اور انہیں فوری طور پر قریبی اسپتال منتقل کر دیا گیا۔
حادثے کے دوران گاڑی سے تقریباً دو ہزار قیمتی موبائل فون بھی برآمد ہوئے، جو مبینہ طور پر سوست کسٹم میں ضبط شدہ تھے۔ واقعے کی اطلاع ملتے ہی مقامی انتظامیہ اور متعلقہ حکام موقع پر پہنچ گئے اور تحقیقات کا آغاز کر دیا گیا ہے۔
زیادہ تفصیلات تاحال سامنے نہیں آ سکیں ہیں، تاہم حکام کا کہنا ہے کہ واقعے کی مکمل چھان بین کی جائے گی تاکہ حادثے کی اصل وجوہات اور موبائل فونز کی موجودگی کے بارے میں حقائق سامنے آ سکیں۔تاہم ایسا کسی زخمی کی حالت بہتر ہونے اس کا بیان لینے پر ہی ہو سکے گا.
