حق کیلئے ڈٹ جانا ہی حسینی عمل ہے، عامر صدیقی

راولپنڈی: محرم الحرام اخوت و رواداری اور امن کا مہینہ ہے اتحاد امت ،مذہبی ہم آہنگی وقت کی اہم ضرورت ہے فروعی اختلافات بالائے طاق رکھتے ہوئے بھائی چارے کو فروغ دیںان خیالات کا اظہار مرکزی جلوس میلاد کمیٹی راولپنڈی کینٹ کے سیکرٹری اطلاعا ت ، صدرترقی پسند فلاحی تنظیم محمد عامر صدیقی نے ایک بیان میں کیا انہوں نے کہا کہ اسلام امن کا دین ہے نواسہ رسول ۖ سیدنا امام حسین نے واقعہ کربلا میں حق و باطل کے درمیان واضح لکیر کھینچ دی آپ کی لازوال قربانی امت مسلمہ کیلئے مشعل راہ ہے اور حق کیلئے ڈٹ جانا ہی حسینی عمل ہے ۔انہوں نے کہا ہمیں وطن عزیز میں محبت اور امن کے ماحول کو فروغ دینا ہوگا صحابہ کرام اور اہل بیت اطہار سے عقیدت اور محبت مومن کا جزو ایمان ہونا چاہئے جو لوگ ان کی توہین کریں وہ کیسے مسلمان ہو سکتے ہیںحکومت ان کے خلاف قانونی چارہ جوئی کرتے ہوئے ملک کو انتشار کا شکار ہونے سے بچائے۔