پیرودھائی پولیس خاتون کے ساتھ زیادتی کرنے والے ملزم کو بچانے کی کوششیں کرنے لگی۔ متاثرہ خاتون کی حکام بالا سے مداخلت کی اپیل

اسلام آباد:پیرودھائی پولیس خاتون کے ساتھ زیادتی کرنے والے ملزم کو بچانے کی کوششیں کرنے لگی۔ متاثرہ خاتون نے حکام بالا سے مداخلت کی اپیل کرتے ہوئے کہا ہے کہ اسے انصاف دلایا جائے ۔ متاثرہ ‘م’ نامی خاتون نے الزام عائد کیا ہے کہ مورخہ 15 ستمبر کو عدنان مقصود نامی شخص نے اپنے ایک دوست کے ساتھ مل کر مجھے تھانہ پیرودہائی کے علاقے میں زبردستی زیادتی کا نشانہ بنایا جس کی میں نے شکایات کی میری شکایت پر تھانہ پیرودہائی میں عدنان مقصود کے خلاف پرچہ درج کیا گیا۔ میں نے علاقہ مجسٹریٹ کے سامنے پیش ہو کر 164 کا بیان بھی قلمبند کرایا پولیس نے ملزم کا 4 روزہ ریمانڈ جسمانی بھی لیا مگر نہ اسلحہ برآمد کیا اور نہ ہی دوسرے ملزم کو گرفتار کرنے کی کوش کی۔ انہوں نے الزام عائد کیا کہ اب پولیس معاملہ کو مشکوک بنا کر ملزم کی ضمانت منظور کرانا چاہتی ہے خاتون نے حکام بالا سے مداخلت کی التجا کی ہے۔