چین اور آذربائیجان کا بیلٹ اینڈ روڈ منصوبے کی مشترکہ تعمیر کا عزم

باکو:چین اور آذربائیجان نے بیلٹ اینڈ روڈ منصوبے کی مشترکہ تعمیر کا عزم ظاہر کیا ہے آذربائیجان میں چین کی سفیر گاؤ من نے اپنے ایک انٹرویو میں بتایا ہے کہ دونوں ممالک کے درمیان تعلقات بڑی تیزی سے آگے بڑھ رہے ہیں،انہوں نے بیلٹ اینڈ روڈ منصوبے میں آذربائیجان کی دلچسپی اور تعاون کو سراہا،چینی سفیرنے کہا کہ چین کے ساتھ آذربائیجان کے تعلقات کو سفارتی سطح پر ترجیح حاصل ہے اس سال کے آغاز میں دونوں ممالک نے اعلیٰ سطح کے دوروں کا تبادلہ کیا ہے، دونوں ممالک کے درمیان دوطرفہ سیاسی اعتماد میں بھی اضافہ ہورہا ہے آذربائیجان کے صدر الہام علی یوف نے اس سال اپریل میں بیجنگ میں ہونے والے بین الاقوامی تعاون فورم برائے بیلٹ اینڈ روڈ میں بھی شرکت کی تھی اور دونوں ممالک کے رہنماؤں میں کئی اہم معاملات پر اتفاق رائے پایاگیا۔