چین کے ساتھ بارڈر کاروباری سرگرمیوں کیلئے کھولا جائے،گلگت بلتستان امپورٹرز ایکسپورٹرز ایسوسی ایشن

اسلام آباد:گلگت بلتستان امپورٹرز ایکسپورٹرز ایسوسی ایشن نے مطالبہ کیا ہے کہ چین کے ساتھ بارڈر کاروباری سرگرمیوں کیلئے کھولا جائے،ہم ایس او پیز پر مکمل عمل کریں گے۔ اسلام آباد میں ایسوسی ایشن کے عہدیداروں کی پریس کانفرنس میں سابق ممبر قانون ساز اسمبلی گلگت بلتستان جاوید حسین نے کہاکہ اپریل میں پاک چین تجارت نے کھلنا تھا لیکن کورونا کی وجہ سے پاک چین سرحد بند ہے، اگست سے تمام ایس او پیز کے ساتھ پاک چین بارڈر کھولا جائے۔ انہوں نے کہا کہ ہم سست ڈرائی پورٹ پر کورونا کے حوالے سے ایس او پیز پر عمل درآمد کریں گے۔