اسلام آباد: زراعت سی پیک کے 7 اہم حصوں میں سے ایک ہے۔یہ بات وفاقی وزیر برائے قومی غذائی تحفظ و تحقیق، سید فخر امام نے مختلف طریقوں کے تحت جنوبی بلوچستان کی ترقی سے متعلق مشاورتی اجلاس کی صدارت کرتے ہوئے کہی۔اضلاع میں واشک ، خاران ، پنجگور ، کچ ، لسبیلہ، آواران ، خضدار اور گوادر شامل ہیں۔انہوں نے کہا کہ ہمیں سائنسی طور پر زرعی معاشی نظام کی اصلاح کی ضرورت ہے۔وفاقی وزیر کا موقف تھا کہ بلوچستان مویشیوں کے لئے بڑے پیمانے پر زمینیں برقرار رکھ سکتا ہے۔انہوں نے کہا کہ سمندری ماہی گیری بلوچستان زرعی معیشت کے لئے اہم ثابت ہوسکتی ہے۔ فصلوں کی ویلیو ایڈیشن کے لئے بلوچستان سر فہرست ہوسکتا ہے۔دوسری جانب وفاقی سیکرٹری برائے قومی غذائی تحفظ اور تحقیق ، عمر حمید خان نے ذکر کیا کہ 24 جولائی کو وزیر اعظم عمران خان کی سربراہی میں قومی ترقیاتی کونسل (این ڈی سی) تشکیل دی گئی تھی۔این ڈی سی وزیر اعظم عمران خان کی ہدایت پر جنوبی بلوچستان کے لئے خصوصی اقدام کرے گی۔وفاقی سیکرٹری نے مزید کہا کہ بلوچستان میں لائیو سٹاک موجود ہے۔بلوچستان میں نامیاتی کپاس کو فروغ دینا طویل مدتی حکمت عملی ہے۔اس بات پر بھی تبادلہ خیال کیا گیا کہ خضدار ، خاران اور آواران زیتون میں روایتی فصلوں کو اپ گریڈکیا جائے ۔
