وفاقی وزیر علی زیدی سے چینی سفیر کی ملاقات پاک چین اقتصادی تعلقات کو مزید فروغ دینے پر اتفاق

اسلام آباد:وفاقی وزیرِ بحری امور علی زیدی سے چین کے سفیر نے ملاقات کی ہے۔ ملاقات کے دوران پاکستان اور چین کا اقتصادی تعلقات کو مزید فروغ دینے پر اتفاق ہوا ہے۔علی زیدی اور چینی سفیر کی ملاقات میں دونوں رہنما ئوں نے بلیو اکانومی کے تصور سے بھرپور فائدہ اْٹھانے کا فیصلہ کیا۔ اس موقع پر گوادر بندرگاہ کو مکمل طور پر فعال بنانے پر تفصیلی گفتگو بھی کی گئی۔