آپریشن بنیان مرصوص،بھارت کے 9 اہم مقامات کو نشانہ بنایا گیا

اسلام آباد:پاک فوج نے آپریشن بنیان مرصوص میں‌بھارت کے 9 سے زائد اہم مقامات کو کامیابی سے نشانہ بنایا اور انہیں ملیامیٹ کر دیا .جس سے بھارت کو اربوں ڈالر کا نقصان ہوا.
1۔ چندی گڑھ ویپن ڈپو
یہ بھارت کا سب سے بڑا میزائل اور گولہ بارود ذخیرہ تھا جو 1972 سے کام کر رہا تھا۔ یہاں پریہار، آکاش اور براہموس جیسے خطرناک ہتھیار محفوظ کیے جاتے تھے۔ حالیہ حملے میں یہ مکمل طور پر نیست و نابود کر دیا گیا، جس سے بھارت کو تقریباً 4.6 ارب ڈالر کا نقصان برداشت کرنا پڑا۔
2۔ سری نگر ایئر بیس
یہ ایئر بیس 1964ء سے کشمیر پر بھارتی فضائیہ کے تسلط کی علامت تھا۔ پاکستانی طیاروں کے حملے میں یہ مکمل طور پر تباہ ہو گیا۔ روزانہ درجنوں جنگی پروازوں کا مرکز اب صرف ملبے کا ڈھیر ہے، اور بھارت کو یہاں سے 2.1 ارب ڈالر کا نقصان اٹھانا پڑا۔
3۔ راجھستان کی ملٹری انسٹالیشن
یہ بھارتی تھر ڈیفنس لائن کا بنیادی قلعہ تھی، جو 1980ء میں قائم ہوئی۔ یہاں ٹینک بٹالینز، راکٹ لانچرز اور بارودی سرنگوں کا ذخیرہ موجود تھا۔ 10 مئی کو یہ تنصیب ریت میں دفن ہو گئی اور بھارت کو 1.8 ارب ڈالر کا دھچکہ لگا۔
4۔ گجرات ایئر بیس
یہ مغربی سرحد پر بھارتی فضائیہ کی ریپڈ ریسپانس فورس کا مرکز تھا، جو 1985ء سے سرگرم تھا۔ پاکستانی حملے کے بعد یہ مکمل طور پر ناکارہ بنا دیا گیا۔ رن وے تباہ ہو گیا، ہینگر راکھ کا ڈھیر بن گئے، اور مجموعی طور پر بھارت کو 1.4 ارب ڈالر کا نقصان ہوا۔
5۔ جالندھر ایئر بیس
یہ ایئر بیس 1970ء سے بھارتی فضائیہ کا تربیتی مرکز اور انسدادِ دراندازی کا گڑھ تھا۔ یہاں راڈار سسٹمز، مگ فائٹرز، اور انسٹرکٹرز کی پوری ٹیم موجود تھی۔ حملے کے نتیجے میں بھارت کو 1.7 ارب ڈالر کا نقصان پہنچا۔
6۔ ادھم پور ایئر فیلڈ
یہ جموں کے پہاڑی علاقوں میں بھارتی فوج کی سپلائی کا ہوائی راستہ تھا۔ پاکستانی حملے نے اس کا راڈار، ٹاورز اور رن وے مکمل طور پر برباد کر دیے، جس سے 1.2 ارب ڈالر کا نقصان ہوا۔
7۔ آدم پور ایئر فیلڈ
یہ 1971ء سے مغربی کمان کے فائٹر جیٹس اور تکنیکی معاونت کا مرکز تھی۔ "فتح” میزائل کی ضرب نے یہاں کے ہینگرز کو جلا کر راکھ کر دیا، جس سے بھارت کو 1.6 ارب ڈالر کا نقصان ہوا۔
8۔ اُڑی سپلائی ڈپو
یہ کشمیر میں بھارتی فوج کے لیے خوراک، گولہ بارود اور ادویات کا مرکزی ذخیرہ تھا۔ 10 مئی کو اس کی تباہی نے شمالی کشمیر میں بھارتی سپلائی لائن کا گلا گھونٹ دیا۔ نقصان کا تخمینہ 1.1 ارب ڈالر ہے۔
9۔ برگیڈ ہیڈکوارٹر کے جی ٹاپ
یہ 1988ء سے شمالی دفاعی منصوبوں کا نروس سسٹم تھا۔ سیٹلائٹ کمیونیکیشن، نقشے اور کمانڈ سینٹر سب کچھ تباہ کر دیے گئے، جس سے بھارت کو 2.4 ارب ڈالر کا نقصان برداشت کرنا پڑا۔