جدید ٹیکنالوجی کے فقدان سے ملک میں کھجور کی پیداوار میں 73 ٹن کی کمی واقع ہوئی ہے۔

اسلام آباد(نیوزرپورٹر) جدید ٹیکنالوجی کے فقدان سے ملک میں کھجور کی پیداوار میں 73 ٹن کی کمی واقع ہوئی ہے۔ ٹریڈ ڈویلپمنٹ اتھارٹی آف پاکستان (ٹی ڈی اے پی) کی رپورٹ کے مطابق 1999ء کے دوران ملک میں کھجور کی پیداوار 5 لاکھ 40 ہزار ٹن رہی تھی جو سال 2015/16میں 4 لاکھ 67 ہزار ٹن تک کم ہوگئی۔ اس طرح 15سال کے دوران ملک میں کھجور کی پیداوار میں 73 ٹن کی کمی واقع ہوئی ہے۔رپورٹ کے مطابق ملک میں کھجور کی مجموعی پیداوار میں بلوچستان کا حصہ 45 فیصد ، سندھ43 فیصد جبکہ خیبر پختونخوا 2 اور پنجاب کا حصہ ایک فیصد ہے۔ جدید ٹیکنالوجی کے استعمال کے فقدان سے وقت کیساتھ ساتھ کھجور کی پیداوار کم ہو رہی ہے جس پر خصوصی توجہ دینے کی ضرورت ہے۔ مزید برآں کھجور کی ویلیو ایڈیشن اور پراسیسنگ کی سہولیات کی فراہمی سے قومی برآمدات میں بھی خاطر خواہ اضافہ کو یقینی بنایا جا سکتا ہے۔