سی پیک منصوبہ کے تحت پاکستان اور چین کے مابین زراعت کے شعبے میں سرمایہ کاری، تحقیق،ٹیکنالوجی کے تبادلے اورماحولیاتی تحفظ پر اتفاق

اسلام آباد: سی پیک منصوبہ کے تحت پاکستان اور چین کے مابین زراعت کے شعبے میں سرمایہ کاری، تحقیق،ٹیکنالوجی کے تبادلے اورماحولیاتی تحفظ پر اتفاق کیا گیا ہے۔ چین کے صوبے خو نان کے نائب گورنر چن وین ہا ؤ نے نیشنل یونیو رسٹی آف سائنس اینڈ ٹیکنالوجی (نسٹ) کا دورہ کیا۔ اس موقع پر چن یاؤ نے کہا کہ چین زراعت کے شعبے میں سرمایہ کاری، تحقیق اور ٹیکنالوجی کے تبادلے میں دلچسپی رکھتا ہے، پاک چین اقتصادی راہداری(سی پیک) کے منصوبے کے تحت پاکستان کے زرعی شعبے میں تحقیق اور ٹیکنالوجی کے تبادلے اورماحولیاتی تحفظ پر اتفاق بھی کیا گیا۔وائس گورنر چن وین ہا ؤ نے ڈین اینڈ پر نسپل ڈاکٹر اشفاق حسن خان اور ڈائریکٹر چائنا سٹڈی سنٹر سید حسن جاوید سے بھی ملاقات کی۔ملاقات میں پاکستان کے شعبہ زراعت، ماحولیاتی تحفظ، مشتر کہ تحقیقی منصوبوں، معلومات اور ٹیکنالوجی کے تبادلے، تحقیقی ماہرین کے تبادلے اور دیگر شعبہ جات میں تعاون کی یقین دہانی کرائی۔ڈاکٹر اشفاق حسن نے پاک چین اقتصادی راہداری منصوبے سے پاکستان میں معاشی اور سماجی ترقی کا نیا دور شروع ہوا ہے جس کیلئے پاکستان کے عوام او حکومت چینی حکومت، سرمایہ کاروں اور عوام کی بے حد مشکور ہیں۔