زلزلہ قدرتی آفت تاہم حفاظتی اقدامات سے نقصانات میں کمی لائی جاسکتی ہے، عامر صدیقی

راولپنڈی:زلزلہ ایک قدرتی آفت ہے اسے روکنا انسانی بس کی بات نہیں مگر حفاظتی تدابیر سے نقصانات میں کمی لائی جا سکتی ہے ان خیالات کا اظہارپاکستان پیپلز پارٹی کے سابق امیدوار برائے صوبائی اسمبلی اور ترقی پسند فلاحی تنظیم کے صدر محمد عامر صدیقی نے آزاد کشمیر سمیت پاکستان کے مختلف شہروں میں شدید زلزلے اور اس کے نتیجے میں ہونے والی ہولناک تباہ کاریوں کے حوالے سے ایک بیان میں کیا انہوں نے کہا کہ ہماری غیور افواج نے حسب سابق زلزلے سے تباہ ہونیوالے علاقوں میں فوری امدادی کارویاں کر کے اپنی روایت کو برقرار رکھا ۔ NDMA،سول سوسائٹی کے ساتھ ملکر فوری مشکل کی اس گھڑی میں عوام کے شانہ بشانہ خدمات انجام دے رہی ہے عامر صدیقی نے کہا کہ غم و الم کی اس گھڑی میں سب ایک قوم کی مانند کھڑے ہیں متاثرہ علاقوں کی بحالی کی کاروائیوں کا آغاز ہو گیا اللہ کریم جان بحق افراد کی مغفرت اور زخمیوں کو جلد صحت یاب فرمائے حکومت متاثرہ علاقوں کی بحالی ساتھ ساتھ متاثرین کی امداد اور زخمیوںکے علاج معالجہ کے لئے ہر ممکن اقدامات کرے۔