سی پیک کے تحت گلگت بلتستان میں صنعتوں اور سپیشل اکنامک زونز کا قیام عمل میں لایا جائے گا، حکام سی پیک اتھارٹی

اسلام آباد: وفاقی حکومت سی پیک منصوبہ کے تحت گلگت بلتستان میں صنعتوں اور سپیشل اکنامک زونز کا قیام عمل میں لائے گی۔سی پیک اتھارٹی کے حکام کے مطابق حکومت نے سی پیک منصوبہ کے تحت خطے کی تعمیر ترقی اور استحکام کے لئے نئی صنعتوں اور سپیشل اکنامک زونز کے قیام کا فیصلہ کیا ہے۔جبکہ خصوصی اقتصادی علاقوں میں ٹیکس کی رعائتوں سے متعلق اقدامات سے پاکستان خوشحالی کی راہ پر گامزن ہوگا۔اس کے علاوہ حکومتِ پاکستان گلگت بلتستان کے عوام کی محرومیوں کے ازالہ کے لئے اپنی کاوشوں کو بروئے کار لا رہی ہے۔ حکام نے کہا ہے کہ حکومت نے گلگت بلتستان کی مقامی آبادی کو صحت عامہ سے متعلق بہتر سہولیات کی فراہمی کے لئے سکردو میں 250 بیڈ ہسپتال کی تعمیر کے لئے 400 ملین روپے مختص کیے ہیں۔جبکہ بابو سر ٹاپ ٹنل کے پر کام مالی سال 2019-20ء کے پی ایس ڈی پی کے تحت شروع ہو جائے گا۔