خوف خدا اور عشق مصطفی دین و دنیاکے سنورنے کا ذریعہ ہیں، عامر صدیقی

راولپنڈی: خوف خدا اور عشق مصطفی ۖ سے دین و دنیا سنواری جا سکتی ہے محافل میلاد فروغ عشق مصطفی ۖ کا ذریعہ ہیں ان خیالات کا اظہار سیکرٹری اطلاعات مرکزی جلوس میلاد کمیٹی راولپنڈی کینٹ محمد عامر صدیقی نے بزم عاشقان مصطفی کے زیر اہتمام منعقدہ پانچویں سالانہ محفل شب رحمت کے انتظامات کے حوالے سے منعقدہ اجلاس سے خطاب میں کیا اجلاس میںحاجی خالد محمود، ملک خرم، محمد دانش ہارونی، محمد عثمان، محمد رمضان، عامر عاشق، آغا ریاست ، تعلیم اختر و دیگر شریک تھے محفل شب رحمت 23 فروری بروز اتوار بعد نماز عشاء میلاد چوک گروٹی میں منعقدہ ہوگی جس کی صدارت پیر محمد مجتبیٰ فاروق گل بادشاہ فرمائیں گے، تلاوت قاری فہیم نقشبندی، نقابت کامران تبسم نوری، خصوصی نعت سید زبیب مسعود شاہ اور خصوصی خطاب پیر محمود احمد عباسی قادری کا ہوگا شرکت فرما کر قلوب اذہان کو منور فرمائیں۔