چینی سفیر کی جانب سے کرونا کی وبا اور لاک ڈاون کے باعث افغان مہاجر کیمپوں میں پھنسے افغا ن مہاجرین کے لئے 8000فوڈ پیکجزکا عطیہ

اسلام آباد:چینی سفیرنے کرونا کی وبا اور لاک ڈاون کے باعث افغان مہاجر کیمپوں میں پھنسے افغا ن مہاجرین کے لئے 8000فوڈ پیکجز عطیہ کردئیے۔ یاو جنگ نے کورونا وائرس وبا کے باعث لاک ڈائون کی صورتحال کی وجہ سے کیمپوں میں پھنسے افغان مہاجرین کے لئے 8000فوڈ پیکس وفاقی وزیر برائے سیفران صاحبزادہ محمد محبوب سلطان کے حوالے کیے۔یاد رہے کہ چین نے یہ عطیہ وفاقی وزیر کی درخواست پر کیا جنھوں نے اقوام متحدہ اور وفاقی دارالحکومت میں مقیم سفارتی مشنز کو خط لکھ کرترقی یافتہ ممالک کی توجہ لاک ڈائون کی صورتحال میں پھنسے ہوئے افغان مہاجرین کی امداد کی طرف مبذول کی ہے۔یاد رہے کہ اس سے پہلے بھی چین کے سفیر نے افغان مہاجریں کے لئے 1500خوراکی پیکج عطیہ کیا تھا جس کو رمضان کے اوائل میں مستحقین افغان مہاجرین میں تقسیم کیا تھا۔پاکستان اور افغان مہاجرین چینی سفیر کے ان کاوشوں کو قدر کی نگاہ سے دیکھتے ہیں۔