بہاول نگر،آٹھویں جماعت کی طالبہ کے ساتھ گھر سے اغوا کے بعد زیادتی، جان سے مار دینے کی دھمکی دے کر اسے ہوس کا نشانہ بنایا

بہاول نگر(نامہ نگار ) حافظ آباد میں 2 درندوں نے آٹھویں کی طالبہ کو گھر سے اغوا کرکے زیادتی کا نشانہ بنا ڈالا۔تفصیلات کے مطابق بہاولنگر کے تھانہ تخت محل کی حدود میں واقع علاقے حافظ آباد میں 15 سالہ لڑکی کو گھر سے اغوا کے بعد زیادتی کا نشانہ بنادیا گیا۔ پولیس اسٹیشن میں درج کرائی گئی رپورٹ کے مطابق اغوا کے وقت لڑکی گھر میں اکیلی تھی، ملزمان فیاض اور شاہد لڑکی کو قریبی کھیتوں میں لے گئے۔ ملزم فیاض نے جان سے مار دینے کی دھمکی دے کر لڑکی کو اپنی ہوس کا نشانہ بنایا۔ پولیس کا کہنا ہے کہ لڑکی آٹھویں جماعت کی طالبہ ہے، مقدمے میں نامزد 2 میں سے ایک ملزم کو گرفتار کرلیا گیا ہے جب کہ دوسرے کی گرفتاری کے لیے کارروائی جاری ہے۔