سی پیک کے تحت کارپوریٹ ایگرکلچر فارمنگ سسٹم کو فروغ دینے کی ضرورت ہے، محیب اللہ

اسلام آباد: خیبر پختونخوا کے وزیر زراعت و لائیو اسٹاک محیب اللہ نے سی پیک کے تحت کارپوریٹ ایگرکلچر فارمنگ سسٹم کو فروغ دینے کے لئے جامع منصوبہ بندی تیار کرنے پر زور دیا ہے۔ انہوں نے زراعت کو قومی معیشت کے لئے ریڑھ کی ہڈی قرار دیتے ہوئے کہا کہ اس کے فروغ سے غذائی تحفظ کو یقینی بنایا جا سکے گا اور نوجوانوں کو آگے بڑھنے کے بہت سارے مواقع میسر آئیں گے۔