جی سیون ممالک چین کے اندرونی معاملات میں مداخلت سے باز رہیں، چینی سفیر

لندن:چین نے کہا ہے کہ جی سیون کے ممالک سیاسی دھوکا دہی میں ملوث ہیں۔ جرمن نشریاتی ادارے کے مطابق برطانیہ میں جی سیون اجلاس میں امریکی صدر جو بائیڈن نے چین سے کہا تھا کہ وہ انسانی حقوق کے معاملے میں بین الاقوامی اقدار کی پاسداری کرے۔ لندن میں چینی سفارت خانے کی جانب سے پیر کو جاری کردہ بیان میں کہا گیا ہے کہ جی سیون ممالک چین کے اندرونی معاملات میں مداخلت اور سیاسی دھوکا دہی سے باز رہیں۔