آسٹریلیا کا فرانس سے ڈیل منسوخ کر کے امریکہ سے جوہری آبدوز خریدنے کا معاہدہ،فرانس نے احتجاجا امریکہ اور آسٹریلیا سے اپنے سفراء کو واپس بلا لیا

پیرس۔:آسٹریلیا نے فرانس سے ڈیل منسوخ کر کے امریکہ سے جوہری آبدوز خریدنے کا معاہدہ کر لیا، فرانس نے احتجاجا امریکہ اور آسٹریلیا سے اپنے سفیروں کو واپس بلا لیا۔ ذرائع ابلاغ کے مطابق آسٹریلیا نے فرانس سے ڈیل منسوخ کر کے امریکہ سے جوہری آبدوز خریدنے کا معاہدہ کر لیا، آسٹریلیا نے 2016میں فرانس کے ساتھ روایتی آبدوزیں خریدنے کا 40 ارب ڈالر مالیت کا معاہدہ کیا تھا۔ آسٹریلیا کی جانب سے ڈیل منسوخ کرنے پر فرانسیسی صدر ایمانوئل میکرون بھڑک اٹھے، انہوں نے کہا کہ امریکہ نے ہماری پیٹھ میں چھرا گھونپا ہے، انہوں نے احتجاجا امریکہ اور آسٹریلیا سے فوری طور پر اپنے سفراء کو واپس بلا لیا، دوسری جانب امریکہ کا کہنا ہے کہ فرانس کے ساتھ تنازعہ پر اقوام متحدہ کی جنرل اسمبلی کے موقع پر بات ہو گی۔