پنجاب میں ہیلتھ کارڈ کا اجرا ریاست مدینہ کی طرف بڑا قدم ہے،عامر مغل

*اسلام آباد(:سابق مرکزی ڈپٹی سیکرٹری اطلاعات پاکستان تحریک انصاف عامر مغل نے کہا ہے کہ پنجاب میں ہیلتھ کارڈ کا اجرا ریاست مدینہ کی طرف بڑا قدم ہے۔ اور وزیر اعظم نے ہیلتھ کارڈ کا اجرا کر کے اپنا ایک اور انتخابی وعدہ پورا کر دیا ہے کل پنجاب کے عوام کے لیے ایک تاریخی دن تھا پاکستان کی تاریخ میں نیا باب لکھا جا رہا ہے، اب پنجاب کے ہر شہری کو صحت کارڈ کی سہولت فراہمی ممکن ہوگی پنجاب کے شہری سرکاری و نجی اسپتالوں میں دس لاکھ روپے تک کا علاج کراسکیں گے، 31 مارچ تک پورے پنجاب میں صحت کارڈ کی سہولت دستیاب ہوگی، وزیراعظم عمران خان نے غریب آدمی کو ہیلتھ کارڈ دیا ہے،صحت کارڈ جیسی سہولت امریکہ جیسے سپر پاور ملک میں بھی نہیں ہے، وزیراعظم ماضی کے حکمرانوں کی طرح مال بنانے کی بجائے عوام کو سہولیات کی فراہمی کے لیے ہر ممکن اقدامات کر رہے ہیں ۔انہوں نے کہا حکومت میں رہتے ہوئے عمران خان نے کون سی فیکٹری یا شوگر مل بنائی؟ وزیراعظم عمران خان نے کوئی اثاثے نہیں بنائے، اس طرح پہلے ورلڈ کپ جیتا اور اب غریب کا دل جیتا ہے، وزیراعظم عمران خان عوام سے محبت کرتے ہیں اور ان کا دل عوام کے ساتھ دھڑکتا ہے،عمران خان نے کرکٹ سے کمایا ہوا پیسہ شوکت خانم میں جمع کرا دیا، عمران خان نے 3 شوکت خانم اسپتال بنائے ہیں اور اب اقتدار میں آنے کے بعد عوام کو صحت کی بہترین سہولیات کی فراہمی کے لیے عملی اقدامات کر رہے ہیں۔