شہباز گل کا شیطان سے متعلق خاتون اینکر سے انوکھا سوال بھاری ثابت ہوا

اسلا م آباد:شہباز گل کا شیطان سے متعلق خاتون اینکر سے انوکھا سوال بھاری ثابت ہوا اور سوال کے کچھ ہی دیر بعد ان کی حراست میں لے لیا گیا۔
شہباز گِل نے سوشل میڈیا پر خاتون اینکر غریدہ فاروقی سے شیطان سے متعلق انوکھا سوال کیا تھا۔
پی ٹی آئی کے رہنما شہباز گِل سوشل میڈیا پر بہت متحرک نظر آتے ہیں۔
مائیکرو بلاگنگ سائٹ ٹوئٹر پر شہباز گِل اور نجی نیوز چینل کی میزبان و صحافی غریدہ فاروقی میں لفظی جنگ چھڑ گئی۔
غریدہ فاروقی نے ٹوئٹر پیغام میں کہا ہے کہ عمران خان کے چیف آف اسٹاف شہباز گِل کے خلاف مقدمہ درج ہونا چاہیے اور انہیں جیل بھجوانا چاہیے۔انہوں نے کہا کہ پاکستان مخالف، آئین مخالف، افواجِ پاکستان میں بغاوت، نافرمانی پھیلانے کا جرم کسی صورت قابلِ معافی نہیں۔غریدہ فاروقی نے یہ بھی کہا ہے کہ اس بات کا پتہ بھی لگانا چاہیے کہ آن ایئر بیان کس کے کہنے یا لکھ کر دینے پر پڑھا گیا۔
شہباز گِل نے غریدہ فاروقی پر جوابی وار کرتے ہوئے کہا ہے کہ ایک سوال ہے کہ اگر شیطان زنانہ ہو تو اسے کیا کہتے ہیں؟