ڈاکٹردانش نے وزیراعظم عمران خان سے سوال کیا ہے کہ اگر ایسا کچھ ہوا ہے تووزیراعظم عمران خان کو چاہیے کہ عوام کو بتائیں، کہ سی پیک معاہدوں کے خفیہ دستاویزات کیوں آئی ایم ایف کے ساتھ شیئر کی گئیں؟سی پیک کا تعمیری عمل سست روی کا شکار کیوں ہے؟ اسی طرح چین ہمیشہ پاکستان کے ساتھ کھڑا رہتا تھا اس حساس مسئلے پرخاموش کیوں ہے؟ دوسری جانب سماجی رابطے کی ویب سائٹ ٹویٹر پرچینی سفارتکار لی جیان ژاؤ نے اپنے پیغام میں کہا کہ احسن اقبال سی پیک کے ہیرو ہیں۔انہوں نے احسن اقبال کو سی پیک مین کا خطاب دیا اور کہا کہ احسن اقبال مین آف ایکشن اور دیانتدار شخص ہیں۔اس سے قبل سابق وزیر احسن اقبال نے کہا تھا کہ لی جیان نے سی پیک کے ثمرات حاصل کرنے میں میرے ساتھ کام کیا۔ یہ پاکستان کے ایک فولادی دوست ہیں۔ پاکستان چھوڑنے پر میں ان کے لیے نیک تمناؤں کا اظہار کرتا ہوں۔
