جامعہ پشاور میں چین پاکستان اقتصادی راہداری سیمینار ستمبر کے دوسرے ہفتے میں ہوگا

جامعہ پشاور میں چین پاکستان اقتصادی راہداری (سی پیک) سیمینارکی تیاری جاری ہے، یہ سیمینار ستمبر کے دوسرے ہفتے میں ایریا سٹڈی سنٹر اور چینی سفارت خانہ کے زیر اہتمام سے منعقد ہوگا، بی آر آئی، سی پیک اور بین العلاقائی اشتراک پر مبنی کانفرنس میں وسطی ایشیائی ممالک اور مشرق وسطی سے ایک درجن سے زائد مندوبین اپنے تحقیق مقالے پیش کریں گے۔ جامعہ پشاور نے کانفرنس ہال کے اطراف کو کشادہ اور الیکٹرانک میڈیا کو بہتر مواقع اور سہولیات دینے کی ہدایات جاری کردیں جامعہ پشاور کے انتظامی و تدریسی افسران کو کانفرنس کے بہترین انتظامات کیلئے ایک دوسرے سے موثر رابطے میں رہنے کی ہدایات بھی دی گئیں۔کانفرنس کے موقع پر ثقافتی اور کھانوں کے اسٹال سمیت دیگر پروگرامز کا بھی اہتمام کیا جائے گا۔