مڈل مین کو نکیل ڈالی جائے گی، اس کا کردار کم کرنے کے لیے عملی اقدامات کیے جا رہے ہیں، غلام سرور خان

اسلام آباد:وفاقی وزیر برائے ہوا بازی غلام سرورخان نے کہا کہ مڈل مین کا کردار کم کرنے کے لیے عملی اقدامات کیے جا رہے ہیں، مڈل مین کو نکیل ڈالی جائے گی۔تفصیلات کے مطابق وفاقی وزیر ہوا بازی غلام سرورخان نے کہا ہے کہ حکومت نے مہنگائی کے خلاف کمرکس لی ہے، ملاوٹ، ذخیرہ اندوزی، مصنوعی مہنگائی پر بلا امتیاز کارروائی ہوگی۔غلام سرور خان نے کہا کہ مڈل مین کا کردار کم کرنے کے لیے عملی اقدامات کیے جا رہے ہیں، مڈل مین کو نکیل ڈالی جائے گی۔ انہوں نے کہا کہ کاشت کاروں، صارفین کو فائدہ پہنچانے کی ضرورت ہے۔وفاقی وزیر برائے ہوا بازی نے کہا کہ ناجائزمنافع خوری کی روک تھام کے لیے قانون کے دائرے میں لایا جائے، ان عناصر کو بے نقاب کرنا ہے جو گراں فروشی میں ملوث ہیں۔