کشمیر کے حوالے سے بھارتی اقدامات کو تسلیم نہیں کرتے،جرمن سفیر

لاہور ;پاکستان میں تعینات جرمن سفیر برنارڈ شلک نے کہا ہے مقبوضہ کشمیر کے حوالے سے بھارتی اقدامات کو تسلیم نہیں کرتے۔جرمنی کے سفیر برنارڈ شلک نے جماعت اسلامی کے مرکز منصورہ کا دورہ کیا اور نائب امیر جماعت اسلامی لیاقت بلوچ سے ملاقات کی۔برنارڈ شاہ سے ملاقات میں رہنما جماعت اسلامی امیر العظیم، عبدالغفار عزیز، فرید پراچہ بھی موجود تھے۔لیاقت بلوچ نے کہا ہے کہ جرمن سفیر کو مسئلہ کشمیر اور بھارتی مظالم کے بارے میں آگاہ کیا۔نائب امیر جماعت اسلامی نے بتایا کہ جرمن سفیر نے بھی بھارت کی جانب سے انسانی حقوق کی پامالی کی بات کی اور کہا کہ بھارتی آئین میں کشمیر کے حوالے سے تبدیلی کو تسلیم نہیں کرتے۔جے یو آئی ف کے دھرنے کے حوالے سے بات کرتے ہوئے لیاقت بلوچ نے کہا اپوزیشن کے مطالبات کی سیاسی حمایت کرتے ہیں۔