ساہیوال کول پاور پلانٹ پر 3 ہزار سے زائد لوگوں کو روزگار کا مواقع فراہم کیا گیا، حکام سی پیک اتھارٹی

اسلام آباد ۔ :چین پاکستان اقتصادی راہداری کے تحت مکمل ہونے والے ساہیوال کول پاور پلانٹ پر 200 مقامی انجینئرز سمیت 3 ہزار سے زائد لوگوں کو روزگار کے مواقع فراہم کئے گئے، منصوبے پر کام کرنے والے 171 پاکستانی انجینئرز اور ہنر مند افراد کو چین میں جدید معیار کی تربیت دی گئی۔ سی پیک اتھارٹی کے حکام کے مطابق 22 ماہ کی قلیل مدت میں مکمل ہونے والے پاور پلانٹ سے 1320 میگاواٹ بجلی قومی گرڈ میں شامل کی گئی ہے۔ پاور پلانٹ سے 40 لاکھ افراد کی توانائی کی ضروریات پوری ہورہی ہے۔ سی پیک کے تحت یہ واحد منصوبہ ہے جسے اپنی معیاد سے پہلے مکمل کیا گیا ہے، پاور پلانٹ کی بلڈنگ 27 منزلہ ہے