دل کے ہسپتال پر وکلا کا حملہ بزدلانہ اور شرمناک ہے۔ عامر صدیقی

راولپنڈی: ایک انسانی جان بچانا انسانیت بچانے کے مترادف ہے ڈاکٹر ز اور وکلاء دونوں ہی اس عظیم پیشے سے منسلک ہیں جس کا مقصد انسان کی جان بچانا ہے ۔ ان خیالات کا اظہارپاکستان پیپلز پارٹی کے سابق امیدوار اور ترقی پسند فلاحی تنظیم کے صدر محمد عامر صدیقی نے ایک بیان میں کیا۔ انہوں نے کہا کہ لاہور دل کے ہسپتال پر بزدلوں کا حملہ شرمناک امر ہے وکلاء نے لاقانونیت کی انتہا کر دی مشتعل وکلاء کا پی آئی سی پر حملہ ،توڑ پھوڑ، جلائو گھیرائو نے بد ترین مثال قائم کر دی ، وکلاء گردی حکومتی ناکامی کا منہ بولتا ثبوت ہے وکلاء چھ سات کلو میٹر تک سفر کر کے ہسپتال پر حملہ آور ہوئے اخلاقیات اور قانون کو بالائے طاق رکھتے ہوئے جلائو گھیرائو اور پتھرائو کرتے رہے نہ ہسپتال کو بخشا ، نہ ہی اسکے مریضوں کو اور نہ ہی نجی املاک کو تباہ کرتے ہوئے اخلاقی گروٹ کی نئی مثال قائم کرتے رہے عامر صدیقی نے کہا کہ دکھ اس بات کا ہے کہ جو مریض جان بچانے کیلئے آئے تھے ان ہی کی جان سے کھیلا گیا قانون کو حرکت میں لا کرفوٹیجیز کی مدد سے شفاف تحقیقات کا آغاز کرتے ہوئے مجرموں کو قرار واقعی سزادی جائے تاکہ آئندہ کوئی ایسے اقدام کی جرات نہ کر سکے۔