برطانیہ  : ریسٹورنٹس کی صنعت کی بحالی کے لئے اگست کے مہینے میں گاہکوں کا آدھا بل حکومت ادا کرے گی، برطانوی وزیرخزانہ،رعایت کا اطلاق الکحل پر نہیں ہوگا

۔ لندن :برطانیہ کے وزیر خزانہ رشی سنک نے کہا ہے کہ شہری 50 فیصد رعایت پر کسی بھی ریسٹورنٹ پر کھانا کھا سکیں  گے اور یہ سہولت پیر، منگل اور بدھ کے روز میسر ہوگی۔ انہوں نے کہا کہ اس سکیم کے تحت ریسٹورنٹ اور کیفے کی سرگرمیوں کو بحال کرنے کے لیے اگست میں لوگوں کو کھانا کھانے پر 50 فیصد رعایت دینے کا منصوبہ متعارف کرادیا اور یہ سہولت پیر، منگل اور بدھ کے روز میسر ہوگی ۔ برطانوی خبررساں ادارے  کے مطابق 62 کروڑ 50 لاکھ ڈالر کے اس منصوبے کا مقصد کورونا وائرس سے متاثرہ ریسٹورنٹ انڈسٹری کو دوبارہ بحال کرنا ہے جبکہ اس رعایت کا اطلاق الکحل پر نہیں ہوگا۔واضح رہے کہ برطانیہ میں 3 ماہ کے لاک ڈاؤن کے بعد گزشتہ ہفتے سے تمام ریسٹورنٹ کھول دیے گئے ہیں تاہم اس ضمن میں تمام حفاظتی اقدامات کو یقینی بنانے کی ہدایت کی گئی ہے۔وزیر خزانہ نے نے کہا کہرعایت کے اس منصوبے کا مقصدصارفین کو ریستوران اور کیفے میں واپس لانے کی کوشش ہے جہاں 18 لاکھ لوگ کام کرتے ہیں۔