سی پیک تعمیر کے دوران پی کے 38اوراین اے 17میں متاثرہ سڑکوں کی بحالی کے حوالہ سے صوبائی وزیر قلندرلودھی کی زیرصدارت اجلاس

ایبٹ آباد:سی پیک کی تعمیر کے دوران پی کے38 اوراین اے17 میں متاثر ہونے والی سڑکوں کی دوبارہ بحالی کے حوالہ سے صوبائی وزیرمال قلندر خان لودھی کی صدارت میں اجلاس منعقد ہوا۔اجلاس میں رکن قومی اسمبلی علی خان جدون اور ڈپٹی کمشنر ایبٹ آباد بھی موجود تھے۔ اجلاس میں سڑکوں کی دوبارہ بحالی سے متعلق امور زیر بحث آئے۔اجلاس میں محکمہ سی اینڈ ڈبلیو، چائنیز کنٹریکٹرز، سی پیک اتھارٹی، این ایچ اے اور دیگر افسران نے شرکت کی۔ اجلاس میں یہ فیصلہ کیا گیا کہ متعلقہ محکمہ جات چائنیز کنٹریکٹر کے ساتھ مل کر تمام سڑکوں کا دوبارہ معائنہ کریں گے اورباقی ماندہ سڑکوں کی بحالی کے کام کو جلد از جلد مکمل کیا جائے گا۔