نیول چیف ایڈمرل محمد امجد خان نیازی نے فخرزمان کو لیفٹیننٹ جنرل کا اعزازی رینک دیا
کراچی:پاکستان کرکٹ ٹیم کے اوپنر فخر زمان کو پاک بحریہ میں لیفٹیننٹ جنرل کا اعزازی رینک تفویض کردیا گیا۔ترجمان پاک بحریہ کے مطابق نیول چیف ایڈمرل محمد امجد خان نیازی نے فخرزمان کو لیفٹیننٹ جنرل کا اعزازی رینک دیا ہے۔قومی کرکٹر کو پاک بحریہ کی طرف سے یہ رینک شاندارکارکردگی اور پاک نیوی سے وابستگی پر دیا گیا ہے۔
پاک بحریہ مختلف کھیلوں کے فروغ کے لیے اپنا کردار ادا کررہی ہے۔تقریب میں عسکری و سول حکام اور پاکستان کرکٹ بورڈ کے عہدیداران نے شرکت کی ۔ترجمان پاک بحریہ کے مطابق فخر زمان نے 2007 میں بطور سیلر آپریشن برانچ میں شمولیت اختیار کی۔
فخر زمان نے کرکٹ کے میدان میں پاک بحریہ کیلیے متعدد اعزازت بھی حاصل کیے۔قومی کرکٹ ٹیم اوپنر کو چیئرمین جوائنٹ چیف آف اسٹاف کمیٹی کی جانب سے سند تحسین سے بھی نواز جاچکا ہے۔فخرزمان بین الاقوامی کرکٹ میں بھی اب تک متعدد ریکارڈز بنا چکے ہیں۔امیرالبحر ایڈمرل محمد امجد خان نیازی نیقومی ٹیم کے اوپنر کو اور ان کے اہلخانہ کو اعزازی رینک ملنے پرمبارک باد دی۔
