720 میگاواٹ کے کروٹ ہائیڈرو پاور پروجیکٹ پر تیزی سے کام جاری

اسلام آباد:سی پیک منصوبہ کے تحت پاکستان کے کروٹ ہائیڈرو پاور پراجیکٹ سے 720 میگاواٹ بجلی حاصل کی جائے گییہ منصوبہ1.74 ارب ڈالر سے تعمیرکیاجارہاہے جس کے کام کی پیش رفت جاری ہے۔سی پیک اتھارٹی حکام کے مطابق5 ملین کی آبادی کو کلین اینڈ گرین انرجی کی فراہمی یقینی ہوجائے گی۔ اس منصوبے سے تقریبا 4500 لوگوں کو روزگار کے مو اقع ملے ہیں۔سی پیک کے تحت کروٹ ہائیڈرو پاور پروجیکٹ پر تیزی سے کام جاری ہے۔یہ بات قابلِ ذکر ہے کہ سی پیک کے تحت کروٹ ہائیڈرو پاورسٹیشن کے لئے سپل وے روڈ پل کے افتتاح کے ذریعے سے کروٹ ہائیڈرو پاور منصوبے کی تعمیر میں اہم سنگ میل طے کیا گیا ہے۔ 867 دن کی تعمیر کے بعد سپل وے روڈ پل مکمل ہو گیا ہے اور باضابطہ طور پر ٹریفک کے لئے کھول دیا گیا ہے۔ پاکستانی اور چینی کارکنوں نے کووڈ-19 کے پھیلا ئوکے باوجود تعمیراتی کام جاری رکھا ہے۔ کروٹ ہائیڈرو پاور اسٹیشن سی پیک کے تحت منصوبہ ہے جو چین گیزوبا گروپ کمپنی (سی جی جی سی) کے ذریعہ تعمیر کیا جارہا ہے۔