خیبر پختونخوا میں خوشحالی کے لئے سی پیک کے تحت سی آر بی سی نہر کی بہتری کے کام کو آگے بڑھایا جائے گا،ڈاکٹر شعیب

اسلام آباد:خیبر پختونخوا میں خوشحالی کے لئے سی پیک کے تحت سی آر بی سی نہر کی بہتری کے کام کو آگے بڑھایا جائے گا۔ڈی آئی خان ایگریکلچر یونیورسٹی کے ماہر ڈاکٹر شعیب نے اس منصوبے کو صوبے کے لئے گیم چینجر قرار دیتے ہوئے کہا ہے کہ خیبر پختونخوا حکومت سی پیک سے متعلق جے سی سی کے آئندہ اجلاس میں سی آر بی سی پراجیکٹ کی بحالی کے لئے اقدامات کر رہی ہے۔جنوبی خیبرپختونخوا کے ضلع خاص طور پر ڈیرہ اسماعیل خان میں تقریبا 300,000 ایکڑ اراضی کو سیراب کرنا ایک دیرینہ اسکیم ہے۔انہوں نے کہا کہ اس سے نہر کے آس پاس کی مقامی آبادی کی سماجی و اقتصادی حیثیت میں نہایت تبدیلی آئے گی کیونکہ وہ ہزاروں ایکڑ رقبے کوسیراب کرنے کے خواہاں ہیں۔