چین نے لانگ مارچ 6 راکٹ کے ذریعے 9 کمرشل سیٹلائٹ خلا میں بھیج دیئے

بیجنگ:چین نے لانگ مارچ 6 راکٹ کے ذریعے 9کمرشل سیٹلائٹ خلا میں بھیج دیئے۔ چینی خبر رساں ادارے کے مطابق یہ راکٹ شمالی چین کے صوبہ شانسی کے تائیوان سیٹلائٹ لانچ سنٹر سے چینی وقت کے مطابق منگل کی صبح11:20منٹ پر بھیجے گئے۔یہ لانگ مارچ راکٹ سیریز کا 366 واں فلائٹ مشن تھا۔ یہ مصنوعی سیارے اپنے مدار میں داخل ہوچکے ہیں جو مشرقی چین کے صوبہ شانڈونگ کے زمینی سروے ، شہری تعمیرات ، زراعت ، جنگلات اور توانائی کے لیے دور دراز سے سینسنگ کی خدمات فراہم کریں گے جبکہ راکٹ کے ذریعے بھیجے گئے دوسرے مصنوعی سیارچے سیٹلائٹ پلیٹ فارم ڈیزائن ، ریئل ٹائم امیجنگ اور مشاہدے ، ڈیٹا کے حصول اور ٹرانسمیشن میں ٹیکنالوجیز کی جانچ کرنیکے ساتھ ساتھ نئے اجرام فلکی کے مشاہدے اور ریموٹ سینسنگ سروسز کی فراہمی کے لیے استعمال ہوں گے۔