کوہا کمیونٹی کی طرف سے انٹرنیشنل کانفرنس کا انعقاد

اسلام آباد کوہا کمیونٹی پاکستان کے صدر شیر افضل خان نے بتایا کہ کہ نیشنل لائبریری آف پاکستان کے اشتراک سے کوہا انٹرنیشنل کانفرنس کا انعقاد 13 تا 18 دسمبر کو نیشنل لائبریری آف پاکستان اسلام آباد میں ہورہا ہے۔ کوہا کانفرنس میں ماہرین کوہا،ریسرچ سکالرز، آ ئی سپیشلسٹ، ایجوکیشنسٹ اور لائبریری پروفیشنلز پاکستان سے اور بیرون ممالک سے بہت بڑی تعداد میں شرکت کر رہے ہیں۔ کانفرنس میں بیرون ممالک انڈیا،بنگلہ دیش، سری لنکا،ترکی،مالدیب، امریکہ،برطانیہ،چائنہ،نیوزی،لینڈ،سے وفود خصوصی طور پر شرکت کر رہے ہیں۔ اس کانفرنس کا مقصد دنیا میں لائبریرین شپ میں جدید ٹیکنالوجی کی طرز پر ہونے والی تبدیلیوں کوپاکستان میں روشناسی کروانا اور لائبریریوں کے قارئین کو فوری اور آسان خدمات مہیا کرنا ہے۔ کانفرنس میں لائبریری سافٹ ویئر کوہا اور لائبریری آٹومیشن کے موضوع پر ریسرچ پیپرز پڑھے جائیں گے۔کانفرس کی افتتاحی تقریب 9.00 شروع ہوگی۔ کانفرنس کے مارکیٹنگ و کمیونیکیشن کے کنوینئر شیرافضل ملک نے بتایا کہ اس کانفرنس کے انعقاد میں گورنمنٹ آف پاکستان نے گہری دلچسپی کا اظہار کیا ہے۔ اس کانفرنس میں نیشنل اسمبلی کے سپیکر ، ڈپٹی سپیکر، وزرا مملکت اور مشیران وزیر اعظم پاکستان شرکت کریں گے۔ افتتاحی تقریب کے مہمان خصوصی علی محمد خان وزیر مملکت پارلیمانی امور ہوں گے۔