ایکسٹریم ہارڈ شپ والا ڈرامہ بھی ختم کیا جائے،پنجاب ٹیچرز یونین

راولپنڈی :پنجاب ٹیچرز یونین کے مرکزی و ضلعی رہنماں نے کہا ہے کہ ایکسٹریم ہارڈ شپ والا ڈرامہ بھی ختم کیا جائے،راولپنڈی کے اساتذہ سے کب تک زیادتی ہوتی رہی گی،حد ھے ابھی کل ٹرانسفرز ہوئی اور ابھی بھی سیاسیوں کو خوش کرنے کے لئے عارضی اٹیچمنٹ ہو رہی ہیں،ان خیالات کا اظہار راجہ طاہر محمود،سید حامد علی شاہ ، راجہ شاہد مبارک، ظہیر الدین بابر اور دیگر عہدیداران نے کیا ۔ انھوں نے مزید کہا ہے کہ پنجاب ٹیچرز یونین ضلع راولپنڈی مطالبہ کرتی ہے کہ جتنے عارضی اٹیچمنٹ کے آرڈرز ہوئے ہیں فل فور کینسل کئیے جائیں کیونکہ ایس ٹی آر کے مطابق جہاں اساتذہ کی ضرورت تھی ٹرانسفرز ہو گئی ہیں اور اساتذہ کی غیر تدریسی ڈیوٹیاںبھی ختم کی جائیں اساتذہ کرام کو بچوں کی تعلیم و تربیت کا کام کر نے دیا جائے ورنہ دما دم مست قلندر ہو گا احتجاج کے علاوہ عدالت عالیہ کا دروازہ بھی کھٹکھٹایا جائے،ہم یہ بھی مطالبہ کرتے ہیں کہ اساتذہ کے تبادلوں میں سیاسی اثر رسوخ کو فوری ختم کیا جاے ،اور قوائد و ضوابط کے مطابق تبادلے کیے جائیں اساتذہ ضلع راولپنڈی سے گزارش ھے کہ کسی کے پاس بھی عارضی اٹیچمنٹ کی کوئی خبر یا آرڈرز ہوں تو ضلعی قیادت تک پہنچائیں۔