کراچی: حکومت کی جانب سے وزٹ ویزے پر بیرون ملک جانے والے تمام پاکستانیوں کے لئے دوطرفہ ٹکٹ لازم قراردیا گیا ہے۔ اب وزٹ ویزہ والوں کے لئے ایک ہی ائیرلائن کا دوطرفہ ٹکٹ لازم ہوگا۔اس سلسلے میں ایف آئی اے، سول ایوی ایشن اتھارٹی نے تمام ملکی وغیرملکی ایئرلائنز کو مراسلے ارسال کردئیے ہیں جس میں دونوں اداروں نے ایسے مسافروں کو بورڈنگ کارڈ کسی صورت جاری نہ کرنے کی ہدایت جاری کردی جو یک طرفہ ٹکٹ کے حامل ہوں۔
بیرون ممالک خصوصا بنکاک، ملائیشیا اوردبئی جانے والوں مسافروں کے لئے ہدایات پرعملدرآمد لازمی قرار دے دیا گیا، وزٹ ویزوں پر جاری دوطرفہ ٹکٹ کے لئے الگ الگ ائیرلائنز ٹکٹ کی صورت میں پی این آرنمبر ایک ہونا لازم ہوگا۔
مراسلے میں ہدایات جاری کی گئی ہیں کہ ائیرپورٹ پر لو پروفائل کے حامل مسافروں کو ہدایات کے تحت لازمی چیک کیا جائے۔
۔۔۔۔۔۔۔۔۔۔۔
