متناسب نمائندگی کے حساب سے پارلیمانی کمیٹی برائے ججز تقرری میں نمائندگی دی جائیگین لیگ کو برتری حاصل ہوگی
اسلام آباد: 26 ویں آئینی ترمیم کے بعد پارلیمانی کمیٹی برائے ججز تقرری میں نمائندگی کا طریقہ کاربھی تبدیل ہوگیاہے۔ پارلیمانی ذرائع کے مطابق اب پارلیمانی کمیٹی میں حکومت اور اپوزیشن کی نمائندگی یکساں نہیں ہوگی بلکہ متناسب نمائندگی کے حساب سے پارلیمانی کمیٹی برائے ججز تقرری میں نمائندگی دی جائیگی۔ متناسب نمائندگی کے حساب سے ن لیگ، پیپلزپارٹی اور سنی اتحاد کونسل کے ساتھ ساتھ پارلیمانی کمیٹی میں ایم کیوایم اور جے یو آئی کی بھی نمائندگی ہوگی۔
ذرائع کا کہنا ہے کہ باقی کسی جماعت کاکوئی رکن پارلیمانی کمیٹی میں شامل نہیں ہوگا۔ذرائع کے مطابق حکمران جماعت مسلم لیگ ن کو پارلیمانی کمیٹی میں برتری ہوگی، ن لیگ کے قومی اسمبلی سے 3 اور سینیٹ سے ایک رکن پارلیمانی کمیٹی میں شامل ہوگا۔ پیپلز پارٹی کے قومی اسمبلی سے 2 اور سینیٹ سے ایک رکن کمیٹی میں شامل کرنیکی تجویز ہے۔
سنی اتحاد کونسل کے بھی قومی اسمبلی سے 2 اور سینیٹ سے ایک رکن شامل ہوگا۔ ایم کیو ایم کے ایک رکن کو قومی اسمبلی سے نمائندگی ملے گی۔ جے یو آئی کے ایک رکن کو سینیٹ سے نماندگی ملیگی۔
ذرائع کے مطابق پارلیمانی کمیٹی برائے ججز تقرری کے لئے تمام جماعتوں سے نام مانگ لئے گئے ہیںنام موصول ہوتیہی پارلیمانی کمیٹی کے قیام کانوٹیفکیشن جاری کردیا جائیگا۔
