واشنگٹن :امریکہ کے ارب پتی بل گیٹس نے امریکی صدارتی انتخابات میں ڈیموکریٹس صدارتی امیدوار کمیلا ہیرس کی حمایت کا اعلان کرتے ہوئے ان کی صدارتی مہم کے لئے 50 ملین ڈالر کی رقم بھی عطیہ کر دی ہے۔ بل گیٹس کا کہنا تھا کہ میں نے بہت سے سیاسی رہنماں کے ساتھ کام کیا ہے مگر یہ الیکشن مختلف ہے۔امریکی جریدے فاربس کے مطابق بل گیٹس اس وقت دنیا کے امیر ترین افراد کی فہرست میں تیرہویں نمبر پر ہیں جن کے اثاثوں کی مالیت 105 ارب ڈالر ہے۔
بل گیٹس کے برعکس امریکن کھرب پتی ایلون مسک ڈونل ٹرمپ کی حمایت کر رہے ہیں۔امریکا کی الیکٹرک گاڑیاں بنانے والی کمپنی ٹیسلا کے بانی ایلون مسک سوشل میڈیا پر کھل کر ری پبلکن صدارتی امیدوار ڈونلڈ ٹرمپ کی حمایت کرتے نظر آ رہے ہیں۔دنیا کے امیر ترین شخص ایلون مسک کو اکثر ڈونلڈ ٹرمپ کی انتخابی ریلیوں میں بھی دیکھا جا رہا ہے۔
دوسری جانب مائیکرو سافٹ کے بانی بل گیٹس ڈیموکریٹ صدارتی امیدوار کملا ہیرس کی حمایت کر رہے ہیں۔غیر ملکی میڈیا کے مطابق بل گیٹس نے تاحال کھل کر کملا ہیرس کی حمایت تو نہیں کی لیکن انہوں نے کملا ہیرس کی انتخابی مہم کے لیے 50 ملین ڈالر عطیہ کردیے ہیں جو اس بات کی تصدیق ہے کہ مائیکرو سافٹ کے بانی کا پلڑا ڈیموکریٹ صدارتی امیدوار کی طرف ہے۔
بل گیٹس کا کہنا ہے کہ میں نے بہت سے سیاسی رہنماں کے ساتھ کام کیا ہے مگر یہ الیکشن مختلف ہے، میں نے ہمیشہ ان سیاسی رہنماں کی حمایت کی ہے جن کی پالیسیاں ہیلتھ کیئر، غربت کے خاتمے اور موسمیاتی تبدیلیوں کے حوالے سے واضح ہوں۔
بل گیٹس کافی عرصہ تک دنیا کے امیر ترین شخص بھی رہے ہیں ۔تاہم اس وقت امیر ترین افراد کی فہرست میں ان کا نمبر 13 واں ہے۔
۔۔۔۔۔۔۔۔۔۔۔
