ڈونلڈ ٹرمپ امریکہ کے 47 ویں صدر بن گئے عہدے کا حلف اٹھا لیا

ٹرمپ چار سال کے وقفے کے بعد دوسری بار امریکی صدر منتخب ہوئے ہیں
تقریب حلف برداری میں نائب امریکی صدور،سمیت چین کے نائب صدر اور دیگر کی شرکت

واشنگٹن:ڈونلڈ ٹرمپ نے امریکی صدر کے عہدے کا حلف اٹھا لیا۔غیرملکی خبررساں ادارے کی رپورٹ کے مطابق ڈونلڈ ٹرمپ نے امریکا کے 47ویں صدر کے عہدے کا حلف اٹھا لیا، نائب صدر جے ڈی وینس نے بھی عہدے کا حلف اٹھایا۔
تقریب حلف برداری میں سپریم کورٹ کے چیف جسٹس سمیت دیگر ججز اور امریکا کے سابق صدور نے شرکت کی۔امریکی اور عالمی رہنماؤں سمیت لوگوں کی بڑی تعداد کیپٹل ہال میں موجود تھی۔
بل کلٹن، ہیلری کلنٹن، باراک اوباما، جارج ڈبلیو بش، اہلیہ بھی موجود تھے، چینی نائب صدر، ارجنٹائن کے صدر، اطالوی وزیراعظم بھی کیپٹل ہال میں موجود تھے۔