ٹی 20 کے بعد ون ڈے میںبھی پاکستان کی شکستوں کا سلسلہ رک نہ سکا
بابر اعظم کے آئوٹ ہوتے ہی وکٹوں کی لائن لگ گئی ،آخری چھ کھلاڑی دس رنز بھی نہ بنا سکے
نیپیئر:ٹی ٹوئنٹی کے بعد ون ڈے میںبھی پاکستان کی شکستوںکا سلسلہ رک نہ سکا ، نیوزی لینڈ نے تین ون ڈے میچوںکی سیریز کے پہلے میچ میں پاکستان کو 73 رنز کے بڑے مارجن سے شکست دے دی. بابرا عظم اور سلمان علی آغا کی پارٹنرشپ نے کچھ امید بندھائی تھی لیکن بابر اعظم کے آوٹ ہوتے ہی وکٹوں کی لائن لگ گئی اور آخری چھ کلاڑی دس رنز بھی نہ بنا سکے.
نیپیئر میں کھیلے گئے میچ میں پاکستان نے ٹاس جیت کر فیلڈنگ کا فیصلہ کیا جو شروع میںتو درست ثابت ہوا کہ پاکستان نے پچاس رنز پر تین کھلاڑی آوٹ کر دئے لیکن پھر چیمپن اور مچل کی ذمہ دارانہ بیٹنگ کے باعث ن کیویز نے مقررہ اوورز میں 9 وکٹوں کے نقصان پر 344 رنز بنائے۔ ڈیبیو کرنے والے پاکستانی نژاد محمد عباس نے نے دھواں دھار اننگز کھیلی اور ریکارڈ ساز نصف سنچری بنائی .
میزبان ٹیم کا آغاز اچھا نہ تھا اور پہلی وکٹ 8 رنز پر گری اور نسیم شاہ نے ایک رن بنانے والے وِل ینگ کو پویلین بھیجا۔ڈیبیو کرنے والے عاکف جاوید نے بھی اپنی باؤلنگ کے جوہر دکھاتے ہوئے نک کیلی، اور ہینری نکلز کا شکار کیا۔
50 رنز پر 3 وکٹیں گرنے کے بعد مارک چیپمین اور ڈیرل مچل نے 199 رنز کی ریکارڈ پارٹنر شپ بنائی۔مارک چیپمین نے 132 رنز کی شاندار اننگز کھیلی جبکہ ڈیرل مچل نے 76 رنز بنائے۔ڈیبیو کرنے والے محمد عباس نے برق رفتار نصف سنچری بناکر ٹیم کو بڑا اسکور کرنے میں مدد کی۔نیوزی لینڈ کی ٹیم نے مقررہ 50 اوورز میں 9 وکٹوں پر 344 رنز بنائے۔
جواب میں پاکستان کا آغاز اچھا تھا اور اوپنرز نے 83 رنز کی شراکت بنائی۔88 رنز پر دونوں اوپنرز کے آؤٹ ہونے کے بعد بابراعظم نے کپتان محمد رضوان کے ساتھ 76 رنز جوڑے۔محمد رضوان 30 رنز بناکر پویلین لوٹے لیکن بابر اعظم نے ایک اینڈ سنبھالے رکھا اور سلمان علی آغا کے ساتھ 85 رنز کی شراکت قائم کی۔بابر اعظم کے آؤٹ ہونے کے بعد وکٹوں کی لائن لگ گئی، وقفے وقفے سے وکٹیں گرتی رہیں اور پوری ٹیم 45ویں اوور میں 271 رنز پر آؤٹ ہوگئی۔بابر اعظم 78 رنز بناکر نمایاں رہے جبکہ سلمان آغا نے بھی 58 رنز کی عمدہ اننگز کھیلی۔
مخالف ٹیم کے نیتھن اسمتھ 4 شکار کرکے ٹاپ باؤلر رہے۔ ان کے علاوہ جیکب ڈفی نے 2 جبکہ وِل اورورکے، مائیکل بریس ویل اور محمد عباس نے ایک، ایک وکٹ حاصل کی۔
پاکستانی ٹیم میںکوئی آل رائونڈر نہ تھا جو سلمان عللی آغا کا کچھ دیر ساتھ دیتا .پاکستان ایک کم بولر کے ساتھ کھیلا جس کی وجہ سے اتنا سکور بڑھ گیا.
