الیکٹرک بس میڈیا ٹاؤن تا اسلام آباد چلانے کی منظوری

اسلام آباد(سٹی رپورٹر)چیئر مین سی ڈی اے محمد علی رندھاوا کی جانب سے میڈیا ٹاؤن، پاکستان ٹاؤن اور پی ڈبلیو ڈی کے رہائشی صحافیوں اور شہریوں کیلئے بڑی خوشخبری۔ الیکٹرک بس میڈیا ٹاؤن تا اسلام آباد چلانے کی منظوری دیدی گئی ہے ۔ اس بات کا اعلان انہوں نے گزشتہ روز صدر پی ایف یو جے افضل بٹ کی سربراہی میں ملاقات کرنے والے سینئر صحافیوں کے وفد سے گفتگو کے دوران کیا تھا۔
پی ایف یو جے کے صدر افضل بٹ ، نیشنل پریس کلب کے صدر اظہر جتوئی، سیکرٹری نیّر علی ، فنانس سیکرٹری وقار عباسی، آر آئی یو جے کے صدر طارق ورک، سیکرٹری فنانس ندیم چودھری، آر آئی یو جے کے سابق صدور مبارک زیب خان، عابد عباسی، نیشنل پریس کلب کے سابق صدور طارق چودھری، شہریار خان، انور رضا، سابق فنانس سیکرٹریز جہانگیر منہاس، صغیر چودھری، نائب صدر سید ظفر ہاشمی ، سینئر صحافی خالد محمود اور تنویر شہزاد نے چیرمین محمد علی رندھاوا کا شکریہ ادا کیا۔